31 Decembar 2010

Ducj in cjamesute e un grum di amîs, nissune preocupazion e tante voe di stâ insieme. E mangjà forest, bire, musiche, cine, risiko...

Buteghes: Maurizio,Manolo,Andrea,Isa,Giacomo,Gianpiero,Claudia, Margherita,Michela.

12 Decembar 2010

O sin stâts a cjatà sot misdì il nestri amî Michele ch'al à organizzât il marcjât. Frêt ma frêt, ma il brulè nus à scjaldâts.
Sperimentade la rotonde folk musicâl in vie Rome, a funzione ben ancje s'al è pericul parceche o sin masse int in un cercli masse piciul.

Buteghes: Giacomo,Gianpiero,Claudia,Andrea,Isa,Maurizio.

5 Decembar 2010

Ecco la prove che l'incuintri di Tradmod e Buteghes al funzione ancje tal mieç di tante int.
Sparnizâts tal mieç des taules da l'Ostarie di Ospedalet, violins e cjapiei e an creât un efiet "Home theatre" tant preseât.
E o vin sunât cuasi ducj i tocs insieme, cumò o spetìn la prossime ocasion.

Buteghes: Maurizio,Manolo,Andrea,Gianpiero,Margherita.

6 Novembar 2010

Il grop di violins di Giulio Venier, i Tradmod, a condividin cun Buteghes il violin Gianpiero e il violin/viole Margherita. Ecco l'idee di fa une serade insieme un toc paromp e un pâr di tocs insieme. E al funzione ben!
O vin sunât par nô e nus a plasût, cui sa se tal mieç di tante int al sarà cussì biel?.

Buteghes: Gianpiero,Andrea,Isa,Margherita, Maurizio,Gab,Michela.

24 Otubar 2010

O vin fat fieste pal prin fî o nevôt des Buteghes. Al rît simpri, ancje cuant che si sbaglie acordo o si stone. Di no crodi. O vevin di sei li e o sin stâts.

Buteghes: Giacomo,Gianpiero,Claudia,Maurizio,Andrea, Isa,Michela,Elisa,Br1,Margherita,Manolo.

10 Otubar 2010

O sin cuasi abonâts al Biel vivi. Chest an a Majan al è stât un pôc diviers parce che il mestri G. nus a dome fat companie cun ocjai neris e une mascare di cere. Masse fieste.
La pocje int e a preseât e ben cussì.

Buteghes: Giacomo,Claudia,Gianpiero,Andrea,Isa, Margherita,Maurizio,Gab.

29 Avost 2010

Un puest maraveôs, la vile dai Conts de Tiere, par une cene di int ch'a vîf lontane dal Friûl ma ch'a torne spes in patrie. Al è ancjemò plui un plasè cjantà par furlan in chestes ocasions.
E ridi cun lôr inmò miôr.

Buteghes: Maurizio,Manolo,Andrea,Isa,Gianpiero,Margherita.

1 Avost 2010

Come ch'a capite, sence un invît o sin lâts a Zoppola a fâ i artiscj di strade tal mieç di vers artiscj, chei ch'a erin a Frisanco pôs dîs prime.
E par finì o sin lâts a cjatà il stand dai nestris amîs austriacs di St.Veit e Michele di S.Vît, masse gjentîi, simpri bon il poleç frit. E propite li l'ultime sunade de serade.

Buteghes: Manolo,Andrea,Isa,Gianpiero,Margherita.

25 Lui 2010

Dopo il passo Rest o sin rivâs in val Tramontine. Fieste in dut il paîs a Tramonti di Sore, o vin sunât pardut, ancje te fontane.
Plen di bancareles di artigjans, fin un gue, geis e cosces. Dure la maratone, ma masse biel.

Buteghes: Maurizio,Manolo,Andrea,Isa,Gab,Gianpiero, Margherita,Bruno.

25 Lui 2010

A tache la maratone de montagne des Buteghes Viertes, a la fieste dai scampanotadôrs a Zui. A ore di gustà o vin fat passà l'ore a la int in code. E cetancj emigrâts francês! Un scampanotadôr al à contât dôs barzaletes tra une vilote e chealtre, dopo o vin ben mangjàt e o sin scjampâts a la tappe numar 2.
O vin cognossude une autiste di li che guidave il corrierin e la vin invidade a guidà il nestri scuolabus pal tour mondiâl des Buteghes. Qualchidun ajal un scuolabus di vendinus? Pôs bês, magari dome mangjà e bevi.

Buteghes: Maurizio,Manolo,Andrea,Isa,Gab,Gianpiero,Margherita.

2 Jugn 2010

Benvignut par la gnove butegute Giacomo, nassude vue, dopo une lungje atese. Claudia e Gianpiero a diventin mame e papà.
Il mesagjo di vue a buinore nus a sglonfât il cûr di felicitât e contentece. Dopodimesdi i sin svuelâs a viodi la meravê di frut.

Buteghes: un biel grop.

28 Mai 2010

Presentasion dal nestri corto "La puarte sierade" ta serade "Corto circuito" a Orgnan. Piciule rassegne, quasi come in famée.

22 Mai 2010

Interminabil sunade a la manifestasion Sapori e Pro Loco. O vin volût sunà daûr dai stand, buine idée. Un moment musicâl par ducj i lavoradôrs das varies Pro Loco par staca 5 minus a sun di Buteghes Viertes. I vin cjatât une vore di serenitât, gjentileze e voe di meti in mostre las specialitâs che ogni stand al proponeve. Ancje par daûr al'ere aiar di fieste. E no si sin tirâts indaûr a les mil cjerces. Come di tradizion. E o vin pierdût ancje un pâr di tocs di violin.

Buteghes: Andrea,Isa,Manolo,Elisa,Margherita, Gab,Maurizio.

15 Mai 2010

Sunadute par la piciule ma biele sagre di borc "Bazane" a Vilegnove di San Denêl.

Buteghes: Gab,Gianpiero,Manolo,Andrea,Michela.

25 Avrîl 2010

San Marc a le rivât, la prime sagre di soreli a è a Savoneles. A son ains che o nin a suna e ancje chest an no vin podût fa di mancul. Biele sornade di cjalt e muses cognosudes che si viodin pôc ma ca si è sigûrs di ricjatales ogni an tal stes puest. Al ere cun no anche Enrico Buteghe. Al torne par pôc, ma le propit gust di velu a suna cun nô ogni tant.

Buteghes: Maurizio,Manolo,Elisa,Andrea,Isa,Gab, Claudia,Margherita,Bruno,Elio,Enrico.

18 Avrîl 2010

Fieste grande pal nono di Tania di Trivià (chê dal scoiattul). Las buteghes no podin mancjà par sunà la sô e ancje nestre musiche.

Buteghes: Maurizio,Isa,Giampiero,Claudia,Andrea, Margherita,Manolo,Elisa.

17 Avrîl 2010

Serade "corto circuito" a Trep Grant.

La int di Trep Grant a sielt il nestri corto "La puarte sierade" come il mior cortometragjo da serade. Cjals ringrasiamens.

17 Avrîl 2010

Sunadute a la manifestasion "Lignano in Fiore". Furlans e ancje no, ducj contents. Ringraziaments a colps di meraveôs calamârs. E collaudo dal cjaruç puarte liron dal Gab.

Buteghes: Andre,Isa,Gab,Margherita,Giampiero, Claudia,Maurizio.

11 Avrîl 2010

Cjapiel musicâl pal gustà ta fiestute di paîs di Cumierc. Cjalt benvignût e biele tradision tirade indenant cul cori dal timp. Un benvignût a la buteghe Elio, che no si è tirât indaûr in nuje. E nus à dedicât sore une biele poesie. E bon complean (17) a Claudia, biele sglonfute.

Buteghes: Claudia,Gab,Margherita,Andrea,Isa,Michela, Maurizio, Elio.

4 Avrîl 2010

A ere ore di rivà a sunà ancje a les fiestes veres. Prossime volte o larìn a sunà a la messe di miezegnot a Nadâl.

Buteghes: Andrea,Isa,Manolo,Elisa,Gianpiero,Claudia,Margherita, Maurizio,Michela,Gab,Bruno.

28 Març 2010

Fieste grande pai 10 ains dal grop Buteghes Viertes. Invidâs un grum di amîs dal grop. Sornade frescje e spumeggiant iemplade di grande musiche, cjants, ligrie e compagnie. Mangja e bevi ducj a la stesse taule cjalant las fotografies fates in tai ains e i doi cortometragjos di nestre produsion. E dopo lotarie! Prin premi une serenade da part des buteghes quant ch'o volìn nô e a ce ore ch'o volìn nô. Auguri.

Buteghes: Claudia,Gianpiero,Manolo,Elisa,Andrea,Isa, Margherita,Michela,Maurizio,Gab e ospits.

14 Març 2010

Las buteghes an fat un salt pa fieste dal capes a Lignan. Tante int in code e nô li a sunà. Finalmentri soreli e no masse frêt. Buines capes lungjes e vongules.

Buteghes: Claudia,Gianpiero,Manolo,Elisa,Andrea,Isa,Margherita.

3 Març 2010

O sin in finâl par la miôr foto dal Scoiattolo....
Vàit a votà su RADIO DEEJAY, in alt o cjatais "SCOIATTOLO MANIA VOTA LA TUA PREFERITA", o cirîs la foto, o meteis il balìn e o fracàis AVANTI, dai, supo, supo!

Buteghes: Tantes.

19 Fevrâr 2010

Serenade par la quasi nuvice Tania, amie di Maurizio Buteghe. Seguide da une cene cui flocs. Grazie Maurizio. Vait sul spazi dal Trio Medusa su DEEJAY par cjatà la SCOIATTOLO ....foto .

Buteghes: tantes.

6 Fevrâr 2010

Lungje sunade pai nonus di Tarcint. La cjase di polse ben organisade e veramentri grande. Pa dimension dal puest a è stade dure, ma i vin puartât fin a la fin la nestre musiche stansie par stansie.
Biele la poesie che an scrit cui pensirs di ducju i nonon par ringrasianus.

Buteghes: Margherita, Maurizio, Elisa S, Andrea, Claudia, Manolo, Isa, Michela, e Gabriele.

13 Genâr 2010

Sunadute a la fieste di Carnevâl. Chest an nuie cjar di mascare, son organisâs par fa fieste pai frus dal paîs

Buteghes: Manolo, Gabriele, Michela, Margherita, Isa, Maurizio, Andrea, Elisa S, Giampiero e Claudia.

9 Genâr 2010

Dopodimesdi animât pai nonus di Tarcint. Cjans e bai a dute manete. I nonos son simpri contens di sinti la musiche ca continue a compagnau par dute la vite.
Ringrasiamens finai une vore sintûs parce ca vegnin dal cûr.

Buteghes: Maurizio, Andrea, Isa, Michela, Manolo, Elisa S, Giampiero, Gabriele, Margherita e Claudia.

A son quasi 10 ains di quant che las Buteghes Viertes a an fat la comparse tas scenes internasionâl.
Dut a le nasût par giuc, par fa un schers a Michela Buteghe par la so laurê.
Si sint già profum di fieste.